الإسلام غيرني كتير....له فضل عليا كبير

Tuesday, November 18, 2008

الإسلام غيرني كثير له فضل عليا كبير

خلاني أشوف النور حسسني بطعم الخير

الإسلام غيرني كثير له فضل عليا كبير

خلاني أشوف النور حسسني بطعم الخير


خلاني ماحبش عادي وأحب الناس وبلادي

وإن قلت الكلمة أوفي وأكون حاضر في ميعادي

خلاني أسامح دايما وأصالح بين أصحابي

وإن كنت حزين أتبسم للي يخبط على بابي


الإسلام غيرني كثير ليه فضل عليا كبير

خلاني أشوف النور حسسني بطعم الخير




خلاني شياكة أناقة في حديثي أدب ولباقة

بين الإسلام وحياتنا في أسمى وأغلى علاقة

خلاني أقرأ وأتعلم وبصوت الحق أتكلم

يارب صلي وسلم على نبينا المعلم


الإسلام غيرني كثير ليه فضل عليا كبير
خلاني أشوف النور حسسني بطعم الخير

ده اللينك بتاع النشيد للتحميل من هنا
والله فعلا الإسلام غير حاجات كتير اوي في الواحد....الواحد كل اما يعد يفكر كده كام حاجة الاسلام غيرها فيه....!!!!!
يااااااااااااااه

كتيييييير أوووووووي

بجد بتخيل حاجات غريبة....

تخيل كده ...

كنت ممكن أكون انا الواد اللي ماشي يالسجارة في الشارع و عمال يعاكس بنات ويشتم الناس الكبار
!!!

أو

كنت ممكن ابقي انا الراجل المبهدل و هدومه خارجه من قفاه
!!!

أو

أكون انا مكان الجاسوس اللي خان بلده...و في الآخر اتحبس عشرميت سنة
!!!

أو...

أو...

أو...



الحمد لله علي نعمة الإسلام...وكفي بها نعمة...